Quandu nasciu.... di Catone Tersonio

Quandu nasciu… di Catone Tersonio

Mena Pippinu, no štari a uardari
ppìccia lu fuecu e datti ta fari,
trova to’ pezzi ti linu suttili,
zzicca štu cani ca perdi li pili;

štrazza nna vešta e fani li fassi
e di la pagghia fanni to’ massi
ca sobbr’a una si štendi Maria,
sobbr’a quedd’atra, ci nasci Mmissia;

po’ ppiendi l’acqua e falla bbulliri:
uarda štu cani, mi faci vviliri…
Forza Maria, spingi cchiù forti
štringi li tienti nfacci alla morti.

Menchia Pippinu, tu štai a bbabbari…!
Iessi dda ffori ca cqua no puè štari,
porta lu cani e fallu pisciari
ca quandu tuerni ti ticu ć’à fari.

Brava Maria, cuntinua ccussini
tu tici noni, iu ticu ti sini
e dalla fermi nna bbedda spingiuta
cu nasci Crištu alla prima chiangiuta.

Zzicca Maria, e viti ć’à fattu
ca ti nnu rrei è lu megghiu litrattu…
Mo’ ca mi servi Pippinu no nć’eti:
sulu štu cani šta mmienz’a lli pieti.