SANTU E NENA

Santu e Nena
(…pi moni)

Avi bbuenu ca mantegnu
ncuerpu ncuerpu sia nnu sdegnu,
ca mi faci nnuticari
cuddu picca ti mangiari;

quandu penzu ca Misciagni,
nnu paisi ti cumpagni,
si šta faci cuvirnari
ti šti quattru cuppinari…

“Mar’a mei, štu disgrazziatu
ma cce dici, t’à scirratu
quantu uai c’imu passatu
quand’a uecchi à štrulicatu?

Nena Ne’, tu vuè li llisci
e appošta no capisci,
quišti portunu pilei:
so’ fascišti, sient’a mei…

“Zitt’e mangia, štu scintrusu
e pulizziti lu musu,
ca la chiesia e li villani
è vutatu ddi crištiani

e pirciò, ti cce ti lagni
ci mo puru li cumpagni
fannu cuntu a berlusconi
pi nna fedda ti muloni?”

Mo’ è l’ora cu la spicci
ca šta’ sempri cu t’impicci,
mena, bbocchimi lu vinu
ci no viti cce cumbinu!

Ma tu pienzi veramenti
c’a Misciagni, šti fitienti,
nci rimettunu la peddi
pi crištiani puvirieddi?

Quešt’è genti senza ‘ngegnu,
no capesci lu bbisuegnu,
no ti penza e no ti tai,
no risolvunu nnu uai.




Pi la scola e lu mangiari
non ci bbaštunu denari
e ci campa ti sciurnata
ccappa sempri nna nfurrata;

‘ntra la chiazza scunsulata
no si vendi nna ‘nzalata,
non ci gira cchiù nisciunu
pari fannu l’addasciunu;

ncun’artieri, pi punioni,
apri ‘ncora lu purtoni
e lu viti allu bbanconi
c’ala comu nnu crimoni;

e li štrati no ti ticu,
cu li fuessi: nnu cašticu,
no ssi po’ cchiù caminari
ca no sa’ ti ddo à passari.

“Santu Sa’, ma cce šta dici
quiddi sontu bell’amici
talli tiempu, talli spacu…
ma po’ già: tu va’ mbriacu!”

Mbe, vuè sai comu la penzu?
Vaffancul’a tei e Enzu,
e ci vuè, pisciu ti fori,
zziccu puru l’assessori…

Cu nna scusa ti la menchia,
na mannaggia sant’annecchia,
quišti pigghiunu puteri
senza mancu lu pinzieri

cu lu fannu nnu cunsigliu,
anzi, fannu lu ripigliu
comu fannu li vagnuni
quandu sciocun’a bbuttuni.

E perciò, iu ticu bbašta
nci la cantu, si, la crašta
nci la cantu all’usu mia
cu la penna e la puisia.

“Piscia e corchiti, camina,
cu no sia cramatina
no ti ncodda cu va’ fori
poi, ci paia lu duttori?”

(Santu Mazzoni)